شنط رمضان :
بداية بتوزع كل رمضان ألاف الشنط وبتتحرى جدا أن كل أسرة هتاخد شنطة تكون فعلا محتاجة لها ومعندهاش مصدر تاني غيرها وعشان كده بنوزع أكتر الشنط خارج القاهرة وبالذات في الصعيد وعن طريق جمعيات عارفة الأسر ومدى إحتياجها وطبعا تقدر تيجي معانا وإحنا بنوصل الشنط بنفسنا
رمضان 2005 --- 7500 شنطة
رمضان 2006 --- 10 ألاف شنطة
رمضان 2007 --- 8700 شنطة
رمضان 2008 --- 9700 شنطة
يتم توزيعهم بأيدينا في محافظات مصر المختلفة وبنوزع في القرى على الأرامل والمساكين في الإسماعيلية والفيوم وبني سويف والمنيا وقنا والصف والعياط وقليوب
وكل حد بيساهم في شنط رمضان بياخد ثوابين - ثواب الإطعام والصدقة الجارية
مشروع الصدقة الجارية - حسنات بتجري مع المية:
لو حد أنقطعت عنه المية في بيته ساعة أو يوم هيكون كل أمه ترجع له المية - فيه ناس بيوتها موصلهاش المية عشان محتاجين فلوس يعملوا توصيلة لبيتهم وبيشتروا المية رغم إنهم غلابة وبيشيلوها مسافات بعيدة - وصلة مية لبيت صدقة جارية أجيال تستعملها شرب ووضوء
من رمضان 2007 مستمرين بنوصل المية للمنازل في القرى - أكتر من 400 بيت في قرى العزيزية بالفيوم وبهبيت وكفر شحاتة والعطف والضبعي وبروبش وبتسا بالعياط
حملة بداية للدفا:
ولأن بداية بتفكر في المحتاجين لازم لما يدخل الشتا يكون همنا نغطي البردانين - بأختصار أهمية البطاطين ميعرفهاش إلا اللي شاف الناس دول عايشين إزاي - البيت تقريبا خالي من الأثاث والأسرة بتكون 10 أفراد وكل اللي عندهم بطانية أو أتنين والشبابيك ملهاش إزاز و ... و...
حملة بداية للدفا في حملة لفك الكربات
شتاء 2006 --- 2000 بطانية
شتاء 2007 --- 3000 بطانية
شتاء 2008 --- 4500 بطانية
شتاء 2009 --- 3300 بطانية
فقط في صعيد مصر
